Larunbat goizean BBTko kide eta lagun batzuek txori-kutxa batzuk egin zituzten eta ondoren Bakioko erdiguneko zuhaitzetan jarri zituzten. Ekintza Haria Elkarteak eta Bakioko Udalak Zuhaitz Egunaren baitan antolatutako ekintzen barruan kokatu zen. Haria Elkarteko kideek bertako zuhaitz ugari jarri zituzten Bakioko hainbat tokitan. Zuhaitzak landatu eta txori-kutxak egiteaz gain, inguruko baso-lore batzuen izenak klarionarekin idatzi zituzten. Ideia hori Frantziako Sauvages de ma Rue eta Inglaterrako More than Weeds proiektuetatik dator. Kontua da loreak izendatzearekin balioa ematen zaiela gero belarrarekin batera mozten badira ere. Espero dugu jendea jabetzea herrietako basa-loreek kolorea ematen diotela herriari eta gure polinizatzaileentzat askoz ere erabilgarriagoak direla udalak landatzen dituen loreak baino. Azkenik, BBTk eskerrak eman nahi dizkie txori-kutxa proiektuan parte hartu duten guztiei eta datorren urtean errepikatzeko asmoa du, hori bai bertako umeen laguntzarekin.
