Stop inbaditzaileak

Irailaren 5ean, larunbata, Mungian BBTko eta beste talde batzuetako kideek sinbolikoki moztuko dituzte Pampa (Cortaderia selloana) landareen lumak. Lume hauek Hego Amerikako landare inbaditzaile hau hedatzen laguntzen duten haziak dituzte. Momentu ona da hemen lumak eta hain erraz hazten diren landare txikiak kentzeko bertako espezieen espazioa hartzen baitute.

Ez dira, jakina, espezie inbaditzaile bakarrak. Zoritxarrez etengabe gora doa eta itxuraz amaigabea da espezie inbaditzaileen zerrenda gure mundu globalizatuaren ondorioz. Espezie hauetako batzuk, Australiako eukaliptoa bezala, bertako Foru Aldundiak inkluso bultzatu eta bultzatzen jarraitzen du!! Argi dagoena da ez dela nahikoa egiten espezie inbaditzaileak desagerrarazteko neurriak hartzeko eta bertako biodibertsitatea hobetzen laguntzeko.

Beraz, BBT-k gure udalei dei egiten diegu gure herrietako berdeguneen kudeaketa hobeago bat bermatzeko hainbat neurri har ditzaten. Hurrengo estekan klik egin dezakezu neurri hauek zertan datzan ikusteko. Zerrenda honi zerbait gehitu egin behar zaiola uste baduzu, mesedez adierazi iezaguzu!