Lanpostu berria
Lan kargu zela eta, aspaldi beharrezkoa ikusten genuen lanpostu bat sortzea BBT kontsumo taldearen kudeaketaz arduratzeko.
Barruko batzorde batek lan kontratazio baldintzak finkatu zituen eta lau lagunek bidalitako curriculumak baloratu eta gero gure bazkidea den Sofia Giménez hautatu dugu. Eskerrik asko curriculumak bidali dituzten lagun guztie eta zorionak Sofia!
Datozen sei hilabeteetan Sofiak 10 orduko lanaldia lokalean beteko du, bi goizetan lau ordu (oraindik erabakitzeke zeintzuk izango diren) eta ostegun arratsaldean bi ordu. Beraz, asteazken arratsaldea bazkideen kontura geratuko da, eta gure bazkideei jarraituko diegu laguntza eskatzen egun horretan.
Zalantza bat izanez gero edo argibideren bat nahi izanez gero, hauxe da BBTko mugikor zenbaki berria:Tel. 667866314.
Garai larri honetan bertako elikadura eta energia burujabetza gero eta garrantzitsuago da. Gure trantsizio baloreek inoiz baino zentzu gehiago dute, eta lan kontratazio honekin eta gure bazkideen ahaleginei esker gure proiektua askoz indartsuago izango da.
