Butroi Bizirik-en Trantsizioari buruzko proiektua duela hamar urte atera zen argitara, trantsizio-idealen aurkezpen inspiratzaile baten ostean, datozen petrolio-gailurrari eta klima krisiari erantzunez. Egia da hamar urte beranduago proiektuaren inguruko jatorrizko ilusioa zertxobait xahutu dela eta gure mugimenduan zeuden pertsona asko ez direla aktiboki parte hartzen. Egia da, baita ere, gaur egun gure taldeak harreman mugatua duela trantsizio mugimenduarekin, ez trantsizio ekimenarekiko desadostasunengatik, beste eragileekin koordinatzeko oso denbora gutxi dugulako baizik. Hala ere, egia da BBT proiektua Uribe-Butroe eskualdean eraldaketa sozialarako mugimendu sinesgarri bat eraikitzeko jatorrizko ilusioan oinarritu dela. Hainbat esku-hartze ildo garatu ditugu eta erlazionatutako talde askorekin lotu gara elikadura burujabetza, tokiko energia, energia berriztagarri eta jasangarria, finantza etikoak eta kontsumismo arduratsua, eta gure ingurumena eta bere biodibertsitatea babestea eta hainbat proiektu sustatzea..
Urte hauetan jendea etorri da eta jendea joan da eta zoritxarrez gure kideetako batzuk hil egin dira. Baina BBTk hemen jarraitzen du, azken hamar urteotan indarrez joan den proiektu bideragarria eta hamar urte hauek ospatzea egokia iruditu zitzaigun. Horrela, azaroaren 19an Anaitasuna txokoan elkartu ginen 80 bat kide eta laguntzaile, zaharrak zein gaur egungoak, istorioak trukatzeko, oroitzapenak bizitzeko eta azken hamar urte hauek mahai baten inguruan ospatzeko, gogotsu boluntario talde batek prestatutako bazkari goxoaz gozatuz. Ekitaldi garrantzitsua izan zen baina ez bakarra antolakuntza batzordeak are handiagoa izango duen udaberriko beste ospakizun bat prestatzen ari baita!!!
