Gatikako Truke Azoka

Baratzea-k antolatutako bigarren Truke Azokan parte hartu dugu BBTko stand-a ipiniz. Agian aurten jende gutxiagok parte hartu du baina eguraldi onak lagundurik han egon garenok ederto pasatu dugu lagunon artean eta landareak nahiz haziak trukatzen. Bi hitzaldi interesgarri izan ziren, bata “Jatabeko garia (eta txakinartoa)” eta bestea gure lagun Jose Luis Rodriguez-en eskutik, “Erleak eta polinizazioa”. Hauez gain, hainbat tailer zeuden antolatuta, “Bertako haziak ekoizten”, “Belarrak nola erabili botika bezala” eta beste bi umeentzat. Egitarau borobila, beraz. Horregatik, Baratzea zoriondu behar dugu antolaketa dela eta. Eskerrik asko zuei!