Denbora daramagu gure kontsumo-taldean txerri ekologikoaren haragia eskaini nahian, eta proiektu bat aurkitu dugu, ekologikoa ez izan arren, asko gustatu zaiguna: aire zabaleko animalien hazkuntzagatik, bertako arraza bat berreskuratzeagatik eta haien produktuak egitean jartzen duten kalitateagatik eta mimoagatik.
Lekunberrin (Nafarroa), Jose Ignacio Jauregi euskal txerri edo pio-beltza berreskuratu zuenetako bat da, Euskal Herriko txerri arraza autoktonoa, 80ko hamarkadan ia desagertua, 30 ale inguru geratzen zirenean.
8 hektareako belardian eta basoan aske hazitako animalia horiek ezkurrak, gaztainak eta sastrakak jaten dituzte, pentsuaz gain. Bere elikadurak eta jasotako tratu onak haragi eta hestebete kalitate bikaina dakarte. Denda batez gain, jatetxe bat ere badute Maskarada proiektuan.
BBTn hilero txerri-haragi hori freskoan eta hestebeteetan eskatzeko aukera eskaini nahi diogu kideei, txerri-haragi industriala kontsumitzearen alternatiba gisa. Txerri-haragi hori pabeilotan pilatuta jasaten duten animaliak dira, antibiotiko ugarirekin tratatzen dira, eta haien hondakinak ibaien eta lurpeko uren kutsaduraren ondorio dira. Praktika horien konplize izan nahi ez dugu.
