Azkenean berriz ere Ekhiak erabil ditzakegu! Orain dela urte pare bat Ekhilur kooperatiba sortu zen Ekhi tokiko diru soziala martxan ipintzeko asmoz. Hainbat traba gainditu eta gero berriz ere Ekhiak erabiltzeko aukera daukagu. Eta zer egin behar da Ekhiak erabili ahal izateko? Ekhilur web orrialdera joan eta 50 euroren truke bazkidetu. Ondoren Clickoin aplikazioa mugikorrean instalatu eta listo! Momentuz esperimentalki martxan dago Bilboko Zazpi Kaleetan, eta dagoeneko hainbat elkarte eta komertziok eman dio babesa ekhimen honi. Baina laster Hego Euskal Herriko udal guztietara hedatuko da, eta horrela bultzada bat emango zaio bertako ekonomiari eta bereziki komertzio txikiei. Eta Iparraldera oporretan joanez gero Euskoak erabiltzeko aukera ere daukazu Bakantzak Euskoz ekimenari esker. Informazioa eskatu bertako Turismo Bulegoetan.
