Urteko azken eguna udaberriko egun ezin hobea izan zitekeen, ez balitz neguan gaudela. Eguraldiak lagundu zigun gure txangoan, ikusi ahal izateko zein landare zeuden loretan eta, zalantzarik gabe, parte hartu genuen hamabi lagunak umore onean izan ginen. Agian aurreko urtean baino lore gutxiago zeuden, ziurrenik azaroaren amaieran eta abendu hasierako eguraldi txarragatik, baina argi dago azken eguraldi epelaren boladarekin lore asko loratzen hasi direla. Askoz lore gehiago egon zitezkeen baina orain dela gutxi belar ertzak moztu zituzten. Ibilaldia apur bat interesgarriagoa izan zedin, parte-hartzaile bakoitzari taula bat eman zitzaion ikusitako loreak apuntatzeko.
Ez genuen lore berririk aurkitu eta denbora gehiena ikusi genituen hainbat espezieren arteko ezberdintasunak azaltzen pasatu genuen, bereziki nahasteko errazak diren lore horiak. Zorionez, gure lagun eta lore adituak, Gorka Basterretxeak, kide pare batekin egoteko denbora hartu zuen irteeraren aurretik, identifikatzeko zailagoak diren lore batzuetan laguntzeko. Bermeoko loreei buruzko bere web-orria ezinbestekoa da Bizkaiko kostaldeko lore tipikoenak zeintzuk diren jakiteko interesa duen edonorentzat. Gorkaren laguntzaz baliatzeaz gain, txangoan Mentxu Amunategik lore batzuen propietate sendagarriak azaltzen lagundu zuen eta Aitor Urrutia izan zen bidean zehar txori batzuen ezagutzak partekatzeko. Azkenik, eskerrik asko Ana eta Davidi berriro ere ekitaldi hau antolatzeagatik eta bertan parte hartu eta hain atsegina egin duzuen guztioi. Poz handiz amaitu genuen irteera Bakioko Surfing Tabernan trago eta mokadu batekin, eta irteera udaberrian errepikatzeko asmoarekin joan ginen etxera, landareak loretan egoteko garai egokiagoa!
