Urriaren 17an, igandean, BBTk bere mahaia ipini zuen Gatikako Azoka Ekologikoan. Lehenengo urteetan azoka hau, udaberrian hazien truke-azoka bezala, plazan zegoen, baina zoritxarrez gaur egun udaletxearen eta frontoiaren artean kokatzen da, erdigunetik apur bat urrunago. Hasieran zirimiria egin arren, pixkanaka eguraldiak hobera egin zuen eta zorionez ez zen beharrezkoa izan azoka frontoira lekuz aldatzea.
Beti da ona bertako ekoizleak eta artisauak ikustea eta laguntzea, baita interes komuneko gaiei buruzko informazioa trukatzea ere. Entretenimendu nagusia La Basu rap abeslaria izan zen, baina goizean zehar trikitixa ere izan genuen. Jateko eta edateko pizza organiko goxoak, Boga garagardoa edo Lekukoartuko sagar zuku freskoa edan ahal izan genuen. Azken elkarte hau da Arrietan hileko lehen igandean ospatzen den azokako antolatzailea.
Eskerrik asko antolatzaileei eta arrakasta izaten lagundu duten guztiei! Datorren urtean berriz ere egongo gara!
