Arrietako Azoka
Hilabeteko lehenengo domekan ospatzen da Arrietako azoka, eta BBTko kide asko beti joaten dira guk defendatzen ditugun baloreak baitira azokaren ardatz nagusiak, hau da, elikagai burujabetza, jasangarritasuna eta ingurumenaren zaintza. Eta noizean behin BBTren mahaia ere ipintzen dugu. Atzo horrelako egun bat izan zen eta mahaia ipintzeaz gain pare bat jarduera ere antolatu genuen. Alde batetik, bi irteera antolatu genuen inguruko lorak ezagutarazteko, eta beste aldetik, jendeari erakutsi genien zertan datza gure karbono konpentsazio egitasmoa. Eta gainera gure kide den Idoia Katiuskak Txoko Morea antzerki-ikuskizuna eskaini zuen. Beraz, azokan inoiz baino presenteago egon gara. Eguraldi ederra egin zuen eta arazo bakarra izan zen tabernara sartzeko ilara luzea. Eskerrak han zeuden kideek ez dutela asko edaten!
