GATIKAKO TRUK AZOKA
Apirilaren 8an Gatikako Baratzea Elkarteak Truk Azoka antolatu zuen. Ekimen polita eta berritzailea izan zen, eta nola ez, gu presente egon ginen. Gure kide den Cristianek joateko asmoa zuen, Kolore Guztietako Basoak-en berri emateko, eta Anak ere bere landareak trukatzeko joan nahi zuen. Azkenean, Idoia ere animatu zen BBT-ren izenean haziak trukatu eta saltzeko. Mahaian zegoen bitartean, Mungiako Landare Azokan bezala, hazientzako kutxak margotzen ibili zen, eta oso politak geratu zitzaizkion. Zu bai artista! Mabel ere presente egon zen, beti bezala bere laguntza ezin hobea ematen.
Amaitzeko eskerrik beroena eskaini nahi diogu azokaren antolatzailetako bat den Jairori. Jairo oso ezaguna da Mungian, batetik, nekazaritza ekologikoarekiko daukan konpromisoagatik, eta beste alde batetik oinutsik ibiltzen delako!! Han egonik, elkarrizketa txiki bat egin genion. Hona hemen elkarrizketa eta argazki batzuk!
